טאָמער, האַלטסטו אַז דו ביסט אומיושרדיק באַהאַנדלט, קענסטו זיך שטעלן אין פֿאַרבינדונג מיט אונדז. ס’איז בחינם. מיר קענען דיר געבן עצות און אויספֿאָרשן עװענטועלע פֿאַרברעכנס לויטן געזעץ װעגן דיסקרימינאַציע. אַ סך אומיושרדיקע סיטואַציעס זענען ניט דיסקרימינאַציע לויטן געזעץ.

װען עמעצער מעלדט אונדז אַז ער איז דיסקרימינירט געװאָרן, קענען מיר דאָס אויספֿאָרשן װי אַן ענין בײַ אונדז. אַן אויספֿאָרשונג הײסט אַז מיר זאַמלען צונויף אינפֿאָרמאַציע און פּאָקאַזאַניעס פֿון אי דעם אָנקלאָגער, אי דער אָנגעקלאָגטע.

ס’איז זײער װיכטיק גיך צו מעלדן. לויטן געזעץ װעגן דיסקרימינאַציע זענען די טערמינען פֿאַר מעלדן אַ פֿאַרברעכן גאַנץ באַגרענעצט – מיר מוזן אַרבעטן לויט זײ.

װען דער ביוראָ קעגן דיסקרימינאַציע “וועסט” פֿאָרשט אויס אַן ענין קאָאָפּערירן מיר נאָענט מיטן אָנקלאָגער.
אונדזערע יוריסטן האָבן באַגרענעצטע מעגלעכקײטן צונויפֿצוזאַמלען פּאָקאַזאַניעס און אַנדערע דאָקומענטאַציעס. אָנקלאָגערס מוזן אַלײן איבערגעבן די פּאָקאַזאַניעס צום אויספֿאָרשער. ס’קען זיך למשל האַנדלען װעגן בריװ, בליצבריװ, עס־עם־עס, באַשלוסן, פֿאָטאָגראַפֿיעס, רעקאָרדירונגען, װידעאָס, פּאַרשוינען װאָס קענען אָפּגעבן אַן עדות, און אַזוי װײַטער.

מע פֿאָרשט, אָפֿט מאָל,אויס אַן ענין אין משך פֿון אַ לאַנגער צײַט און אַן אויספֿאָרשונג פֿאָדערט קאָאָפּעראַציע צװישן דעם אָנקלאָגער און דעם יוריסט. מען קען ניט דערצײלן פּונקט װי לאַנג דויערט אַן אויספֿאָרשונג, אָבער עס קען זיך האַנדלען װעגן עטלעכע חדשים און אַפֿילו ביז אַ יאָר אָפּהענגיק פֿונעם ענין.

נײן, דו מוזסט זיך קודם שטעלן זיך אין פֿאַרבינדונג מיט אונדז כּדי צו בוכן אַ זיצונג מיט די יוריסטן.

אַ געװײנטלעכע דעפֿיניציע איז אַז אַ גאַנצע גרופּע פֿון דער באַפֿעלקערונג איז דיסקרימינירט געװאָרן
צוליב ספּעציפֿישע כאַראַקטעריסטיקעס. סע קען זיך למשל האַנדלען װעגן פֿאַרמינערטע מעגלעכקײטן צו קריגן אַן אַרבעט, קריגן געזונט־אָפּהיט, און נעגאַטיװע האַלטונגען. צום בײַשפּיל קענען געזעצן, כּללים און נאָרמעס אָפּהיטן די סטרוקטורעלע דיסקרימינאַציע.

צוליב דעם װאָס מיר זענען אַ ניט־פּראָפֿיטיקע אָרגאַניזאַציע האָבן מיר באַגרענעצטע מעגלעכקײטן צו גרײכן די 34 קאָמונעס אין אונדזער שטח.

מחוץ דעם װעבזײַטל האָבן מיר קאָנטעס בײַ די סאָציאַלע מעדיומס װוּ מיר גיבן איבער דערהײַנטיקטע אינפֿאָרמאַציע װעגן דיסקרימינאַציע, מענטשנרעכט און נײַעס װעגן אונדז.

מחוץ די יורידישע עצות האַנדלט זיך אונדזער אַרבעט װעגן דעם װירקן אויף מאַכטהאָבערס. זײ מוזן אָננעמען יושרדיקע באַשלוסן װאָס דיסקרימינירן ניט קײן גרופּע פֿון דער באַפֿעלקערונג. מיר אַרבעטן מיט דעם אי
אויף דער נאַציאָנאַלער, אי אויף דער לאָקאַלער מדרגה.