Juridichno konsultatsia
Edukatsia
De zor po foro
O Antidiskrimineringsbyrån Väst del juridichno dorada aj azjutjimos kodolseske kaj sas diskriminovano. Ame shitjaras aj das edukatisa pa diskriminatsia aj sar o manush shaj ashavel kado.
Si tu pravo te trais bi diskriminastsiako. Le politikura aj le raj site len sama te na avel diskriminatsia. Ame keras butchi te thas zor pe lende te len pengi responsibilatsia.
Amari butchi inkerdjol pe le manushikanje pravura o pe shveditsko pravo pa diskriminatsia.
Konsultatsia
Juridichno konsultatsia
Diskriminatsia si, po skurto phendo, kana varikon na sakadja inkerdo si sar varikon kaver ande sakasavi situatsia.
Si jek manushikano pravo te traisares bi diskriminitsiako. Ando shveditsko pravo si e diskriminatsia jek kriminalno aktsia. Numa na intregi njesprawedlivi butcha si diskriminatsia ando pravo.
Butivar las pushimata pa so ame shaj te keras te azjutisaras manushen. Unji ande le pushimata kaj maj butivar pushen si:
Kon shaj lel azjutimos tumende?
Ame das po ivja juridichno konsultatsia pa diskriminatsia ka na primer privatni manush, organizatsiji, kodola kaj den butcha manushenge, aj skholenge ande regiona ando Västra Götaland, numa na ande kommuni ando Fyrbodal. Te si diskriminatsia ande butchi aj te san tu kaj keres kothe butchi medlemo ande varisosko fackförbund si te boldes tu kothe maj anglal.
Sosa shaj te azjutin?
Te alares ke tu sanas na mishto inkerdo shaj les amentsa kontakto. Anda kado kanchi chi putchines. Ame shaj das tu dorada aj dikhas chi sas kriminalno aktsia karing o pravo pe diskriminatsia. But njesprawedlivi situatsiji naj diskriminatsiji ando pravo.
Ame chi birisaras de das juridichno azjutjimos ande kaver legalni sektsiji. Te atcharas ke e dzjela chi perel ande o pravo pa diskriminatsia probulisaras te sikavas drom kaj shaj te boldes tu.
Sar tume keren butchi jeka butchasa?
Kana varikon del opre jek diskriminatsia amende shaj keras jek analizatsia pe kodo. Jek analizatsia si ke chidas informatisa aj dowodura vi tutar kaj dan opre vi lendar kaj dan le opre.
Ame chi las juridichno decitsia ande jek dzjela jipun e investigatsia si gata. Te atcharasa ke si jek kriminalno aktsia ando pravo la diskriminitsiako dzjas andre sar zjutoro kodoleske kaj das opre. Jek kasavo processo si ke probulisaras te arakhas jek kasavo drom avri po problemo kaj so kodo kaj das opre rhodel aj so ame atcharas ke shaj dzjal. Shaj po exemplo avel te mangel jerto, insatso pe educatsia, te lel putchinimos vaj te dzjal ande kris.
So trubusarav me kaj dav opre te kerav?
Zurales importanto si te des opre fugo. O pravo la diskriminatsiako si les skurto preskriptatsia – e vramja jipun e dzjela si te avel gata – savi ame musaj te inkeras.
Kana o Antidiskrimineringsbyrån Väst dikhel opre jek dzjela trubusaras te inkeras jek pashe kontakto kodolesa kaj so das opre. Amare juristura si le jek limitovano zor te chiden andre le dowodura aj kaver dokumentatsiji. Kodo kaj del opre musaj korkorro te del andre le dowodura kaj trobusaren te dikhen opre kana e investigatisa dzjal. Kado shaj avel po exemplo lila, mailura, SMS, decitsiji, pathretura, glasora kaj tsirdan, filmura kaj tsirdan, manush kaj shaj dzjan sar shwatkura aj kasave dzeli.
Sode vramja lel jek investigatsia?
Jek investigatsia butivar lel lungo vramja aj trubul jek pashe butchi maskhar kodo kaj del opre aj o juristo kaj kerel e investigatsia. Phares si te des jek vorba pe vorta sode vramja jek investigatsia lel, numa shaj dzal but shon aj vi varisode bersh zalezhi sar mjazol e dzjela.
Shaj ferik avav aj marav po vudar?
Na, tu musaj te kontaktulis amen te keres tuke vramja te maladzjos le juristonsa.
So si strukturallno diskriminatsia?
Strukturallno diskriminatsia si pa diskriminatsia pe jek kothor anda populatsia anda varisoski spetsiallno harakteristika. Kado shaj te avel maj thorre chansi te les jek buthci, maj thorre chansi pe sama aj kana mej thele ikerdo san. Pravura, regulura aj normi si exemplo sar strukturallno diskriminatsia shaj te inkerdzjol.
Me shorra chi shundem pa tumari butchi. Sostar chi den maj but informatsia pa la?
Sar jek ideellnno organizatsia si amenge phares te das zji kaj le intregi 34 kommuni kaj si ande amari area.
Opral pa amari rig po interneto si ame kontura pe sotcialni mediji kaj ame keras amari informatisa njevi pa diskriminatsia, manushikanje pravura ja pa soste dzjal amende.